ED-in Aviation scam case-ah P Chidambaram ko

Enforcement Directorate (ED) chuan Aviation scam case kaihhnawihah union finance minister hlui leh Congress senior leader, P Chidambaram chu nimin khan thu zawhfiah tura kohna a pe.

He case hi kum 2007-a cheng vaibelchhe 70,000 senga Boeing leh Airbus hnen aṭanga aircraft 111 leina kaihhnawih a ni. Kum 2005 December thla khan prime minister hlui Man­mohan Singh-a cabinet chuan Air India-in Boeing Co hnen aṭanga aircraft 68 a leina tur hi a pawm a, a kum lehah Indian Airlines chuan Airbus SE aṭanga thlawhtheihna 43 leina tur a tifel leh a ni. Airbus hnen aṭanga thlawhtheihna leina tura approval file hian Chidambaram a kaltlang a, hei vang hian thu zawhfiah tura koh tel a ni. Airline pahnihte hi kum 2007 khan Air India hnuaiah an inchhunfin a, hemi chungchang pawh hi CBI chuan a chhui mek bawk. 

Civil Aviation minister hlui Praful Patel chu kar hmasa khan CBI hian he thubuai kaihhnawihah hian thu zawhfiah turin a lo ko tawh bawk. Patel hi national cairrier aia foreign private airline-te duhsak leh, aviation lobbyist Deepak Talwar nena inbe pawp foah puh a ni bawk. Talwar hian Air India hnawl a, foreign airline-te duhsak an nih zawk theihna turin Patel hi a be ṭhin nia sawi a ni. Kumin January thla khan Talwar hi UAE aṭangin India-ah rawn thawn a ni tawh. Patel hi kum 2004 leh 2011 inkar khan Civil Aviation mi­nister a ni a, ED-in Talwar laka chargesheet a thehluhah Patel hming pawh hi sawlan tel a ni.