Unnao pawngsual tawktu accident thubuaiah SC-in CBI kar hnih hun pekbelh

Supreme Court chuan Thawhṭanni khan Unnao pawngsual tawktu leh a lawyer accident thubuai chhui turin Central Bureau of Investigation (CBI) chu kar hnih hun a pek belh.

CBI chuan he thubuai chhui tur hian kar li hun an dil belh a, mahse SC hian kar hnih hun an pek belh thung. Pawngsual tawktu leh a lawyer-te hi Delhi-ah enkawl mek an nih avangin thu zawhfiah theih an la ni lo, hemi a nih avang hian hun hi an dil belh a ni.

Supreme Court chuan niminah tho khan Uttar Pradesh sorkar chu pawngsual tawktu lawyer hnenah inenkawlna turin cheng nuai nga pe turin a ti bawk a, a dinhmun a ṭha lo hle nia sawi a ni. UP sorkar hian pawngsual tawktu hi zângnadawmna cheng nuai 25 a lo pe lailawk tawh bawk.