Kum 2100-ah India economy 10% in tlahniam thei

National Bureau of Economic Study chuan University of Cambridge aṭanga researcher-te zir chianna Thawhṭanni khan tichhuakin, India in climate change a ngaihthah chuan kum 2100-ah chuan India economy chu 10%-a a tlakhniam dawn thu an tarlang.

Researcher-te hian kum 2016-a 'Paris Agreement' UN in ram hrang hrangte hman tura a ziah tawh chu, ram hausain emaw ram retheiin emaw an ngaihthah chuan kum 2100-ah chuan an economy a tlakhniam theih thu an sawi. India hian kum 2015 December khan Paris agreement hi a pawm tawh a, boruaka carbon dioxide (CO2) emission ti tlem tura hma la turin global average temperature chu 1.5°C aia tam loa hma la turin ṭan a la ve mek bawk.     

Paris Agreement aṭang hian United States hi June 1, 2017 khan a inhnukdawk a, kum 2100-ah chuan an gross domestic product (GDP) chu 10.5% a a hniam dawn thu researcher-te chuan an sawi. Canada ram erawh kum 2100-ah 13% a an income a hniam dawn thu an sawi thung. Switzerland 12%, Russia 9%, leh UK 4% in an GDP a hniam dawn tih an sawi bawk. 

Khawvel puma climate change chungchanga hmalakna a awm loh chuan kum 2100-ah chuan chawhrualin GDP 7% in a tlak hniam theih thu reseacher-te chuan an sawi a ni.