Hri len hnua passenger tam ber ṭum Feb 12

Civil Aviation mi­nister Hardeep Singh Puri chuan kar liam ta Inrinni khan Covid-19 hri vanga ramchhunga thlawhtheihna a thlawh theih loh mumal hnuah, kumin February 12 kha ramchhunga thlawhtheihnaa passenger an tam ber ṭum a nih thu a sawi.

February 12 khan ramchhungah thlawh­theihna 2,349 a thlawk a, passenger 2,97,102 an awm. Nikum May 25 hnua passanger an tam leh hmasak berna ni a ni tiin Civil Aviation Ministry chuan a tarlang. 

Covid-19 hri leng vangin nikum March 24 aṭang khan ramchhunga thlawhtheihnate chu tihtawp lailawk a ni a, nikum vek May 25 khan thlawhtheihna thlawk leh passenger-te zawm tur sorkarin inkaihhruaina a siam standard operating procedure (SOP) a siam hnuah thlawhtir ṭan leh an ni. SOP hman chhoh anih tak avang leh kumin January thla aṭanga hri leng hian ziaawm lam a pan tak avangin ramchhungah zin vei vak an tam leh ṭan ta a ni.