Yogi Adityanath-a'n a cabinet-ah mithar 18 lalut

Uttar Pradesh chief minister Yogi Adityanath chuan nimin khan thla 29-a upa a cabinet chu tilianin minister thar 23 a lalut.

Minister thar zinga paruk hi cabinet minister an ni a, minister of state Inde­pendent charge la  paruk leh minister of state 11-te an ni. Uttar Pradesh hian minister 60 thleng a nei thei a, tun dinhmunah hian minister 56 awmin a hma khan 43 chiah an awm thung.

Minister tharte hi nimin khan Luck­now-a Raj Bhavan Gandhi Auditorium-ah lakluh an ni a, Governor Anandiben Patel chuan rinawmna thu a tiam tir. Uttar Pradesh cabinet siksawiah hian minister nisa panga chu an tel tawh lo thung a, Thawhlehni khan heng minister pangate banna hi pawmsak an lo ni tawh. Minister bang zingah hian UP BJP chief Swatantradev Singh leh finance ministry changtu Rajesh Agarwal pawh an tel a ni.