Madhya Pradesh Chief Minister hlui Babulal Gaur a thi

Madhya Pradesh chief minister hlui Babulal Gaur chu nimin zingah khan kum 89 mi niin a thi.

Babulal Gaur hian kar hnih liam ta chhung vel kha chu thawk lamah harsatna a nei a, hemi avang hian damdawi-inah dahluh a ni. State BJP media in-charge Lokendra Parashar chuan nimin zingah khan Gaur thih thu hi a puang. 

Gaur hi Uttar Pradesh-a Naugeer khuaah June 2, 1930 khan piangin seat pangngaia ṭum 10 lai state assembly seat-a chak thei politician awmchhun a ni tih BJP chuan an sawi.

Madhya Pradesh cabinet-ah hian Chief Minister a nih hma pawhin port­folio pasarih zet a chelh hman a, Opposition leader-te pawh a ni tawh bawk. Maintenance of Internal Security Act (MISA) hnuaia Emergency puan hunlai khan thla 19 chu tan-inah hunte pawh a lo hmang tawh a ni.