Supreme Court-in Triple Talaq Law a zirchiang dawn
July thlaa parliament-a pass tawh 'Triple Talaq' law chu Supreme Court-in a zir chiang leh dawn.
'Triple Talaq' law hi president Ram Nath Kovind pawmpuina lak a nih hnuah Supreme Court-ah petition tehluh a ni. 'Triple Talaq' law hian Indian constitution dan a kalh em tihte, a hrem theihna leh kum 3 chung jail tantir theih a nih chungchangte hi Supreme Court chuan a zir chiang dawn a ni.
Eptu party lam chuan he bill hi an dodal a, parliament committee-ah enfiah leh phawt an duh thu an sawi. He dan bawhchhiate hnenah kum 3 chhung jail tang tura tih a ni hi an sawisel bawk. Muslim mipaten an nupuite hmaa 'talaq' tih vawi thum sawi a, awlsam taka an ṭhen theihna hnawlna tur, Muslim Women (Protection of Rights on Marriage) Bill, Triple Talaq bill tia sawi hi parliament in hnihah pass a ni veve tawh a ni.
BJP chuan he bill hi hmeichhia leh mipate intluktlanna duh vanga siam an ni tih an sawi a, pass a ni ta chu hnehna ropui tak a nih thu an sawi. He bill hmang hian Muslim hmeichhiate laka dik lo taka thiltih ṭhin chu siamṭhat a ni dawn a ni, an ti.