Chidambaram appeal-na Thawhṭanniah ngaihtuah dawn

Supreme Court chuan union home minister hlui P Chidambaram chu Enforce­ment Directorate-in INX Media case-a an man tur lakah kar leh Thawhṭanni thleng venhimna lailawk a pe. 

Chidambaram hi Central Bureau of Investigation (CBI) chuan he thubuai kaihhnawihah vek hian manin an hreng mek. CBI-in an man chungchanga Chidambaram-a'n petition a thehluh chu Thawhṭanni hian court chuan a ngaihtuah dawn a ni. 

Delhi High Court chuan Thawhlehni khan Chidambaram-a'n anticipatory bail a dilna chu a lo hnawlsak tawh a, hemi hnu hian CBI chuan Congress hruaitu hi an man zui a ni. Ningani khan Chidambaram hi court-ah hruai niin, CBI chuan thu zawhfiah turin ni nga chhung kawl zui an dil.