Pradhan Mantri Awas Yojana award a tel theih hun chhung pawt sei

Ministry of Housing and Urban Poverty Alleviation (MoHUPA) hnuaia Pradhan Mantri Awas Yojana (Urban) award 2019 'Best House Construction' award a tel thei tur list thehluh hun chhung chu August 31 thleng pawhsei a ni.

Kumin February 14 khan Ministry of State for Housing and Urban Affairs Shri hardeep S Puri chuan PMAY(U) mobile app hi a tlangzarh. India rama State leh UT-a mi harsate chenna in tur nuai 85 sak ṭanpuina loan aṭanga hlawkna an tel theih nana tih a ni a, he mobile app kaltlang hian insak thlalak nuai 2 chuang an thehlut tawh.

PMAY (U) award sem turah hian 'Special award' category tel belh thar a ni a, he award hi PMAY (U) mobile app kal tlanga state-in thlalak a thehluh aṭanga percentage hmu sang berte hnenah pek a ni ang. He award-in a tum ber chu State leh UT-a mi harsate housing loan hmanga puih a, insak lama tihphur a ni.

Pradhan Mantri Awas Yojana (Urban) mission hi kalpui mek zel a ni a, khawpuia in nuai 112 sak tura ruahman aṭangin nuai 85 aia tamah hma lak mek a ni. Heng zingah hian in nuai 51 te chu sak mek a ni a, in nuai 27 chu sak zawh tawh a ni bawk.