Mann ki Baat-ah PM-in ‘Fit India Movement' chungchang sawi

Prime minister Narendra Modi chuan thla tina radio-a hun a hman ṭhin, ‘Mann ki Baat’ a thu a sawinaah National Sports Day, August 29 hian ‘Fit India Movement’ tlangzarh a ni dawn tih a sawi.

Narendra Modi chuan ram pumin Father of the Nation, Mahatma Gandhi piancham kum 150-na an lawm hunah plastic dona 'mass movement' thar tlangzarh a ni dawn bawk tih a sawi a ni. Leilung chhanhimna atan plastic chungchanga hmalak pawimawh thu a sawi. Municipal hrang hrang, NGO leh corporate sector-te chu plastic tihral dan kawng ngaihtuah turin a ngen bawk.

September 11-a ṭan tur, ‘Swachhta Hi Seva’ (the quest for cleanliness is service) campaign-ah pawh mipuite chu ṭha taka thawhpuiah a sawm. "Auguts 29, National Sports Day-ah Fit India Movement’ kan tlangzarh dawn a ni. 'Fit' taka hmuh che ka duh a ni," tiin a sawi bawk a ni.