Sorkar laipuiin power reform panel din

Sorkar laipui chuan power lei leh hralh chung­ changa chak zawka hma a lak theih nan high-level group a din a, Power Pur­chase Agreements (PPA) thuam chak a nih theih nan leh power lama inelna a awm theih nana din a ni.

High-level group-ah hian special power secretary Sanjiv Nandan Sahai chu a khaipa ber tura ruat a ni. Central Electricity Authority of India, Central Electricity Regulatory Commission, Power System Operation Corporation Limited leh Union power ministry aṭangin group member ruat an ni.

He group thar hian power lei leh hralh chung­changa thuneitu, PPAs te lo hmalak tawhna an zir chiang dawn a, power lama ramdang nena insumdawn tawnna leh power lei leh hralh chungchanga hmasawnna an neih theih dan tur zirchian a ni ang. An zir chian tawhna report chu thla ruk chhunga thehlut tura tih an ni bawk.

Union power minister RK Singh chuan,"Power sector lamah intuaitharna nasa tak kan nei dawn a, kan thil tum chu power lama inelna neih a ni. Hei hian India mipuite leh industry lian tak tak  neiteah hmasawnna a thlen dawn a, kan ram hi hmasawn tir kan duh chuan inrenchem taka kan power hi kan hman thiam a ngai a ni," a ti.