Income Tax department officer 22-te pension luih tir

President Ram Nath Kovind chuan nimin khan Income Tax department officer 22-te pension-na tur thupek a ti chhuak. Heng officer-te hi corruption case vang leh thil tisuala puh an nih vangin an hna aṭanga pension tir an ni.

Kumin June thla khan President hian Income Tax department officer 27-te compulsory retirement order a lo ti chhuak tawh bawk a ni. Finance Ministry chuan Central Board of Indirect Taxes & Customs (CBIC) hnuaia officer 22 Superin­tendent/AO rank-te compulsory retirement an nihna chhan hi eiru leh thil tisual a puh an nih vang leh CBI te'n an man vang a nih thu sawiin, 'Fundamental Rule 56 (J) in the public interest' hnuaia thubuai siam sak an nih thu an sawi.

Prime minister Narendra Modi chuan, India rama tax department-ah hian thil dik tawk lo a awm thu leh, officer-te chuan an thuneihna hmang sualin thil dik lo tak an tih thu a lo sawi tawh a ni. Officer 22-te zinga pakua chu Indore-a Ellora Tobacco Company-a sector officer an nih thu sawi a ni bawk. Heng officer 22-te hi thamna laahte puh an ni a, dan lo anga pawisa inhnehchhuhnaahte, 'smuggling' lama inhnamhnawih leh midang thil tisual lo humtuahte puh an ni.