Tripura tana Bangla port hmanna turin MoU ziak

Sorkar laipui chuan Tripura petroleum mamawh pek a nih theihna tura Bangladesh-a Mongla port hmanna turin Bangladesh sorkar chu Memorandum of Understanding (MoU) a ziahpui. 

Mongla port kaltlang hian Tripura-ah LPG bullet truck 20 tirh luh an ni dawn. Food and civil supplies minister Manoj Kanti Deb chuan thla nga chhungin bullet truck-te hi tirh hman tum a ni tih a sawi. Tripura-a bottling plant-te hian thla hnih chhungin truck-container 75 an tikhat thei dawn a, thla khatah gas cylinder nuai 6.9 vel an siam thei dawn a ni. State sorkar chuan petrol leh diesel dahṭhatna hmun chu tihlen a tum a, Dharmanagar-a kilolitre 400 dah theihna chu kilolitre 2050 dah theih turin a siam dawn a ni. Hei bakah hian state chhung hmun hrang hrangah petrol pump 150 leh LPG outlet 10 siam belh a tum bawk.