Tripura sorkarin CM hlui hnena venhimna pek tinep

Tripura-a rorellai Bharatiya Janata Party (BJP) leh Indigenous People's Front of Tripura (IPFT) chuan chief minister hlui Samir Ranjan Barman hnena venhimna an pek chu an tinep.

Samir Ranjan Barman hi CRPF sipaite chuan venghimin an 'escort' thlap ṭhin a, mahse hei hi Inrinni zan aṭang khan tihtawp sak a ni. Sorkar official chuan Tripura police-te chuan an veng tawh zawk dawn tih sawiin, 'Z' category aṭangin an paih a ni, a ti.

Ranjan Barman tak hi chuan thuchhuah engmah la siam lo mah se Congress hruaitu hlunte leh MLA hlui Gopal Roy-te chuan Pathianni zan khan a inah tlawhin venhimna an laksak avanga an lungawi loh thute an thlen. MLA hlui leh CLP leader hlui  Gopal chuan BJP sorkar thutlukna chuan a tilawm lo hle tih a sawi a, a ṭhawng takzet tih leh India ramah pawh thil thleng zen zen lo a nih thu a sawi a ni.