India hmeichhia DGP hmasa ber a thi

India hmeichhe zinga director general of police hmasa ber Kanchan Chaudhary Bhattacharya chu Thawhṭanni zan rei tawh takah khan kum 72 mi niin a thi.

Kanchan Chaudhary Bhattacharya hi thla ruk kal ta vel aṭang khan Mumbai damdawi-inah a damlohna avangin enkawl a ni a, Thawhṭanni zanah khan a thi ta a ni.

Bhattacharya hi Himachal Pradesh-a piang a ni a, India hmeichhe zinga Indian Police Service (IPS) officer ni thei pahnihna a ni bawk. 1973 batch IPS officer niin 2004 khan Uttarakhand DGP atan ruat a ni. 2007 khan DGP hian a pension zui bawk. 

A pension hnu hian politics-ah zuanglutin 2014 inthlanah pawh khan Aam Aadmi Party ticket-in a ding a, mahse hnehna a chang zo lo a ni. 1997 khan President’s police medal for distinguished service award a dawng a, Rajiv Gandhi award for Excellent All-Round Performance pawh hlan a ni tawh bawk. 2004 khan India aiawhin Mexico-ah Interpol meeting-ah pawh a lo tel tawh. Tunah hian Mumbai-ah cheng mekin a pasal leh a fanute pahnih a thihsan a ni.