Pakistan-in inkahhai puan bawhchhia: Indian Army

Indian Army chuan nimin khan thuchhuah siamin Thawh­ṭanni zanah khan Jam­mu and Kashmir-a poonch-ah Pakistan sipaite chuan inkahhai puan bawhchhiain silai an hmetpuak tih leh, an silai hman pawh silai ṭha tak a nih thu an tarlang.

Indian Army official chuan Poonch-a hmun hnihah Pakistan hian nasa takin silai an hmetpuak tih leh anni pawhin an chhanlet ve nghal thu a sawi. Chief of Army Staff General Bipin Rawat chuan a hmain Pakistan chuan tharum thawh an tum reng dawn tih a lo sawi tawh bawk a ni.

Hetihlai hian Kashmir Ba­ramulla district-a Delina Chowk-ah firfiak nia rinhlelh mi pakhat man a ni bawk. Firfiak nia an rinhlelh dang tlan bo a awm bawk tih military official-te chuan an sawi. Firfiakte hian August 19 leh 20 vel khan Kashmir-ah hian bemrampu pahnih an rubo a, nimin khan berampu pakhat zawk ruang hi Mansar Bhaik-ah an hmu bawk a ni.