Delhi Court-in JNU sedition case-ah Kanhaiya leh midang 9 ko

Delhi Court chuan  Delhi police-ten Jawaharlal Nehru Uni­versity (JNU) sedition case an siam­sak, JNU students' union pre­sident hlui Kanhaiya Kumar leh midang pakuate chu court-a inlan turin a ko.  

Chief Metropolitan Magis­trate (CMM) Pankaj Sharma chuan Kanhaiya Kumar leh midangte hi March 15-ah court-a inlan turin a ti a ni. 

Delhi police-te thu­buai an ziahluhah hian JNU zirlai pawl hruaitu hlui Kanhaiya Kumar leh midang pakuate hi kum 2016, February 9-a JNU campus chhunga  Parliament beih vanga thiam loh chantir, Afzal Guru khaihlum champha an hmanaah India dodal leh sorkar laka hel zawnga thu sawiah an puh a ni. Police-te hian kum 2019 khan court-ah charge sheet hi thehlutin, Kanhaiya leh midang an puhna finfiahna video footage pawh a awm thu an sawi.