Haryana Congress hruaitu thusawiin sawizui a hlawh

Haryana Congress hruaitu Vidhya Devi chuan Delhi border-a farm law thar pathum duh lohna lantira nawrh huaihawt mek, loneitute tan pawisa leh zu thawh turin party worker-te a sawm a, a thusawi hian sawizui a hlawh hle. 

Jind-a district ex­ecutive committee mee­ting an neihah Devi chuan, "Loneitute hian nawrh an chhunzawm zel theihna turin pawisa, thlai, ghee leh zu te a thei apiangin thawh a ngai a ni," a ti. Zu chungchang a sawilan hi hruaitu lamten khap an tum pawhin Devi hian sawi zawmin, "Nawrh huaihawtnaah hian mi chi hrang hrang, mamawh chi hrang hrang nei an awm a ni. Dam lote tan chuan eng vangin nge zu kan pek theih loh ang. An nawrh huaihawt mek tihchak pui turin kawng hrang hrangin kan puih a ngai a ni," tiin a sawi. 

Congress hruaitute thusawi hi BJP lam chuan na takin an bei let nghal a, Haryana BJP leader Jawahar Yadav chuan PM-in eptu party-ten loneitute rilru hruai kawi a, vote bank leh politics khelhna hmanruaa hman an tum nia a lo sawi tawh chu a dikzia a rawn lang a ni, a ti.