India leh France-in France-ah Joint Air Drills nei dawn

Indian Air Force leh French Air Force-te chuan vawiin aṭanga ṭanin, July 12 thlengin France ramah Joint Air Drills an nei dawn. 

Joint Air Drills hi France rama Mont de Marsan-ah neih a ni dawn a, he hunah hian fighter jet hrang hrang - Rafale, Mirage 2000 leh Sukhoi 30-te an tel ang. Indian Air Force con­tingent-ah hian air-warriors 120, Sukhoi 30 MKI pali leh flight refuelling aircraft IL-78 an tel dawn tih IAF chuan a tarlang. French Air Force lam hian Rafale, Alpha Jet, Mirage 2000, C135, E3F, C130, leh Casa te an hmang dawn tih French Embassy chuan a sawi bawk. 

He exercise neih tur, Ga­ruda execise hi ram pa­hnihten air defence leh ground attack mission lamah an thawhdunna tihchakna atana an ruahman a ni. Exercise Garuda hi an vawi ruk neihna tur a ni a, a hnu­hnung ber chu kum 2014 June thla khan Jodhpur-a Air Force Station-ah an nei a ni.