State/UT 18-ah Covid-19 vanga thi awm lo

Union health ministry chuan Thawhlehni khan India rama state leh UT 18 zingah Covid-19 vanga thi an awm lo tih a sawi. 

Ministry-in nimina thuchhuah a siamah, darkar 24 liam ta chhunga hripui vanga thi awm lohna state/UT te chu Uttar Pradesh, Rajasthan, Andhra Pradesh, Jammu and Kashmir, Jharkhand, Puducherry, Himachal Pradesh, Lakshadweep, Manipur, Ladakh, Assam, Andaman and Nicobar Islands, Sikkim, Meghalaya, Tripura, Mizoram, Arunachal Pradesh, Dadra and Nagar Haveli, leh Daman and Diu-te an nih thu a tarlang. 

Nimin zing dar 8 thleng khan ram pumah covid vaccine dose maktaduai 90 dawn pek chhuah a ni tawh tih a tarlang bawk. Vaccine la tawh zingah hian healthcare worker (first dose) 61,50,922, healthcare worker (second dose)  2,76,377 leh forntline worker (first dose) 25,71,931 an awm a ni. 

February 16 tlai dar 4 thleng khan Covid-29 vaccine la tawh zingah mi 36 chu damdawi-inah dah an ni a, an zinga 29 chu an thi niin ministry chuan a tarlang bawk. Thi zinga 12 hi damdawi-ina thi niin, mi dang 17 chu damdawi-in pawn lama thi an ni. Ministry chuan vaccine la tawh zingah nghawng ṭha lo tak nei an awm lo a, vaccine la tawh thite thihna chhan hi an vaccine lak nen inkaihhnawihna a nei tih finfiahna a awm lo tih a sawi bawk.