Sorkarin CBI officer pali ruat thar

Prime Minister Narendra Modi-a kaihhruai high-powered selection committee chuan Central Bureau of Investigation (CBI) Director thar ruat turin meeting a nei leh dawn a, meeting neih hma hian sorkar laipui chuan CBI officer thar tur mi pali a ruat. 

CBI officer atana dah tharte hi Akhilesh Kumar Singh, 2003-batch IPS Assam Meghalaya cadre,  A T Durai Kumar, 2004-batch IPS  Tamil Nadu cadre, Putta Vimaladitya, 2008 batch IPS Kerala cadre leh Akhilesh Kumar Chaurasia, 2009 batch IPS Uttar Pradesh cadre-te an ni. Heng officer dah tharte hi sorkar laipui hian CBI interim chief M Nageswara Rao duhdan anga a dah nia sawi a ni. 

CBI Director thar tur ruat hmaa agency hotu lailawk atana dah, Rao hian joint director level aṭanga additional SP thlengin a sawn kual nasa hle a, hei hi agency chhunga officer ngeite pawhin an sawisel a ni.