Amit Shah-a'n Bengal campaign hawng

Union home minister Amit Shah chuan West Bengal-a municipal election neih tura atana BJP campaign chu nimin khan a hawng. 

Amit Shah hian nimin zing khan Kolkata a thleng a, party hruaitute a kawm hnuah Rajarhat-a  National Security Guard’s (NSG’s) 29 Special Composite Group complex a hawng. Hemi hnu hian Shahid Minar-ah public rally a nei a, municipal inthlan neih tur atana an party campaing, 'Aar Noy Annayay' (No More Injustice)  chu a hawng a ni.

 

Shah chuan prime minister Narendra Modi-a'n thuneihna a chan hnuah, India defence leh foreign policy te chu nasa takin a danglam chho a ni, a ti. Modi-a hnuaiah India chu surgical strike leh airstrike kalpuina kawngah US leh Israel league-ah a awm pha tawh a ni, tiin a sawi. 

BJP-in municipal inthlan neih tura atana  'Aar Noy Annayay' campaign a kalpui hi state assembly inthlan neih hun atana a lo inbuatsaihna kawng khat a ni. He campaign hmang hian West Bengal chief minister Mamata Banerjee kaihhruai, Trinamool Congress (TMC) sorkarin Bengal mipuite chunga thil dik lo a tih hrang hrangte pholan tum a ni. BJP morcha leh cell tinte chu Banerjee sorkar rorel dan dik lo zia tarlan a, lungawi lohna lantir tura tih an ni bawk.