Punjab civic poll-ah Congress che ṭha

Punjab-a municipal corporation pasarih leh municipal council leh nagar panchayat 109-a inthlan neih takah Congress party-in hnehna changin, seat 67% a la pha. 

Tun ṭuma civic poll-ah hian BJP chuan a ṭum khatna atan thawhpui nei loin a chuh a, mahse a che chhe zui hle. BJP hian seat a la tlem ber a, a hmaa an lo chak tawhna hmun pawh a hum zo lo a ni. 

Congress party hian ward 2,165-ah ward 1,485 an la a, corporation parukah majority a nei pha a, BJP chakna bial   Bathinda (Akali bastion) leh Gurdaspur/Pathankot area pawh an lak sak a ni. 

Shiromani Akali Dal (SAD)  chu seat la hnem ber dawttu niin, seat 294 an la a, independent seat lak 283 aiin an chakna a tam lo hle thung. Aam Aadmi Party (AAP) in seat 57 lain, BJP chuan seat 47 chiah a la pha thung.