UN sipaite tan Covid vaccine dose nuai 2 pe dawn

India chuan UN sipaite tan Covid-19 vaccine dose nuai hnih a pe dawn tih external affairs minister S Jaishankar chuan a sawi. 

Minister chuan UN Security Council open debate neihah hmun hrehawm leh hun harsa tak taka muanna sipai hna thawktu, UN sipaite tana India-in thilpek a pek tur hi a puang a ni. 

Jaishankar chuan India chu Covid-19 hripui leng mek dona kawngah khawvel huapah pawh a hma hruaitu a ni tih sawiin, a hmain ram 150 chuangah damdawi, diagnostic kit, ventilator leh PPE te a lo pe tawh a, heng zinga ram 80 vel chu grant basis-a pek a nih thu a sawi. India rama Covid-19 vaccine siam chu a ṭhenawm ram 25-ah thawn chhuah a ni tawh a, ram dang 49-ah thawn belh leh a ni ang, a ti. Heng zingah hian Europe, North America, Latin America, South East Asia leh Pacific Island ramte pawh an tel. 

India ramah hian vaccination drive lian ber zinga mi kalpui mek a ni a, January thla tawp lam aṭangin vaccine hi pe chhuak ṭanin, thla ruk chhungin mi maktaduai 300-te pek hman tum a nih thu Jaishankar chuan a sawi.