Priyanka Gandhi-i office thar tur tifel

Congress president Rahul Gandhi-an Uttar Pradesh East-a party General Secretary atana a ruat thar, a farnu Priyanka Gandhi Varda office thar tur chu New Delhi-a party headquarters-ah siamsak a ni ta. 

Priyanka Gandhi Vadra office tur hi kum 2016, December thlaa party president atana hlankai a nih hmaa Rahul Gandhi a office ṭhin a ni. Rahul Gandhi office hman lai hi Priyanka-i office bul chiahah hian a awm a ni. Office-ah hian Priyanka Gandhi Vadra hming hi English leh Hindi-in tar a ni. 

Uttar Pradesh-ah pawh Priyanka hian office a nei dawn bawk a, Lucknow-a a pi, Prime Minister hlui Indira Gandhi-i office atana a lo hman ṭhin chu a hmang zui ve leh dawn a ni. Priyanka, Rahul leh AICC General Secretary for West UP Jyotiraditya Scindia te chuan Ningani hian inthlanpui neih tura atana hma lak dan tur ngaihtuahin meeting an nei ang.