Parliament in hnih inkhawm tihtawp a ni

Nimina Parliament bud-get session neihah West Bengal-a rorellai,Trinamool Congress member-te lung-awi loa an aubuai avangin Parliament in hnih inkhawm tihtawp a ngaih phah. 

Trinamool Congress MP-te hian CBI-in Kolkata Police Commissioner Rajeev Kumar man an tum chungchangah BJP kaihhruai NDA sorkar chu dik lo taka CBI chunga a thuneihna hmangah puhin an lungawi loh thu an aupui a ni. 

Lok Sabha-ah chuan rorel inkhawm ṭan a nih velah TMC member-te chu rorel thei loin an aubuai nghal a, inkhawm pawh ṭum hnih tihtawp a ni. Rajya Sabha-ah pawh Chairman M Venkaiah Naidu chuan TMC te chu President thusawi chungchanga Motion of Thanks debate neih hunah an lungawi lohna thu sawi turin ngen mah se an aubuai luih avangin chawhnu dar 2 thleng inkhawm tihtawp a ni bawk.