Jammu & Kashmir-a president's rule hman chhunzawm remti

Union home minister Amit Shah chuan Thawhṭanni khan Rajya Sabha-ah bill pahnih- Jammu & Kashmir-a president's rule thla ruk dang pawh­sei leh Reservation (Amend­ment) Bill a pharh a, heng bill pahnihte hi Lok Sabha-ah pawm an ni ve ve tawh. 

J&K-a thla ruk dang atana president's rule pawhsei leh hi eptu lam pawhin an pawmpui nghal a, he dan hmanlai mek hi vawiin hian a tawp tawh dawn a ni. Hetihlai hian Jammu and Kashmir Reservation (Amendment) Bill, 2019 erawh hi chu nizan dar 7 vela ngaihtuah chauh tur a nih avangin he thu ziah lai hian an pawm leh pawm loh hriat hman a ni lo. 

Jammu and Ka­shmir Reservation (Amend­ment) Bill, 2019 hnuaiah hian International border bula chengte chu hna leh zirna ina quota pek rawtna a tel a ni.