Statue Of Unity-ah tui a lut thei!

Cheng vaibelchhe 3,000 tehmeuh senga siam, Gujarat-a  'Statue of Unity' chu hawn a nih hnua fur a tawn hmasak berah a chhungah tui a lut nghal.

Khualzin ṭhenkhatin video an tihdarhah chuan Statue of Unity observation gallery chhunga ruahtui lut hmuh tur a awm a ni. Hei hian dem a hlawh hle a, mi ṭhenkhat chuan 'China-a siam' tia sawiin an deusawh hial.

Statue of Unity hi Iron Man of India 'Sardar Vallabhbhai Patel' lim a ni a, ft. 182 zeta sang niin, nikum October thlaah khan Prime Minister Narendra Modi chuan a hawng a ni. 

Observation gallery hi lim chhung, metre 153-a sanga awm a ni.