Karnataka Congress MLA pahnih State Assembly member aṭangin an bâng

Karnataka Congress MLA Anand Singh leh Ramesh Jarkiholi-te chuan nimin khan state assembly member an nihna aṭanga an banna an thehlut.

Anand Singh hi Vija­yanagar bialtu MLA a ni a, nimin khan governor hnenah hian a banna a thehlut a ni. Niminah vek khan Belagavi district-a Gokak bialtu MLA Ramesh Jarkiholi chuan assembly speaker hnenah a banna a thehlut ve bawk.

Anand hian a ban chhan hi a sawi chiang duh lo a, Ramesh ban chhan pawh hi tarlan a ni lo bawk a ni. Hetihlai hian US-a zin mek Karnataka chief minister H D Ku­maraswamy chuan a twitter-ah BJP a bei nghal a, BJP chu an sorkar tih­chhiat tumah a puh.

Hetiang a nih avang hian Congress chief Rahul Gandhi chuan nimin khan Congress chief minister zawng zawng meeting a ko nghal a ni.