Swine Flu vangin mi 226 thi tawh

Ministry of Health and Family Welfare chuan kumin chhungin ram chhungah swine flu, H1N1 virus vanga thi mi 226 an awm tawh tih sawiin,  Rajasthan state chu a tuar nasa ber niin mi 85 in an thihpui tawh a ni. He hri vei hi mi 2,263 hmuhchhuah an ni tawh tih National Centre of Disease Control (NCDC) report chuan a tarlang bawk. 

Nilaini khan health ministry chuan Secretary Preeti Sudan kaihhruaiin New Delhi-ah meeting an nei a, swine flu darh zel tur veng tura hma lak dan turte an sawiho a ni. Health ministry chuan Rajasthan state dinhmun enfiah tur leh, hri darh tur veng tura chak zawka hma lak pui dan turte enpui turin Public Health Team a tir tawh a,  Gujarat leh Punjab-ah pawh team tirh an ni bawk a ni. 

Ministry chuan thil awmdan thlithlaiin video conference pawh neih a ni fo tih a sawi a, state tinte chu swine flu laka invendan tur mipuite hrilh darh kawngah distict collector tinte hma lak tir tura thurawn pek an ni, a ti. 

Gujarat-ah swine flu vanga thi hi mi 43 an awm tawh a, Punjab-ah mi 30 an awm tawh bawk.