PM-in ni nga chhungin state 10 tlawh dawn

Prime Minister Narendra Modi chuan vawiin aṭangin ni nga chhungin state 10 a tlawh dawn. 

PM Modi hian vawiin bik hian state pathum a tlawh ang. Chhattisgarh-a Raigarh-ah rally a nei dawn a, hei hi state assembly inthlana BJP an chetchhiat hnuah a tlawhna hmasa ber tur a ni. Chhattisgarh aṭang hian West Bengal-a Jalgaipur-ah rally nei turin a kal leh ang. Rally zawhah Assam panin zan a riak ang. 

Modi hian naktukah Guwahati-ah project hrang hrang a hawng dawn a, hemi hnu hian Arunachal Pradesh-ah greenfield airport thar siamna tur lungphum a phum ang a, Tripura-ah rally  nei turin a kal leh ang. Tripura aṭang hian Delhi-ah a let leh dawn a ni. 

Pathianni-ah Tamil Nadu-a Tirupur-ah rally nei turin a kal ang a, a zawh hnuah Karnataka-a Hubballi-ah rally a nei leh ang. Hemi ni vek hian Andhra Pradesh-a Guntur-ah rally a hmang leh dawn bawk.  

February 11 hian Modi chuan Uttar Pradesh-a Mathur-ah Akshaypatra Foundation programme hmang turin a  kal dawn a ni. Anni hi ramchhung naupang nuai 18 vel tana mid-day meal buatsaihtute an ni. He hunah hian Uttar Pradesh Chief Minister Yogi Adityanath leh Union HRD minister Prakash Javadekar te pawh an tel ang. 

PM hian February 12-ah Haryana panin Kurukshetra-a Swachh Shakti  programme a hmanpui dawn a ni.