RBI in lending rate a tihniam

Reserve Bank of India (RBI) chuan nimin khan repo rate chu basis point 25 in a tihniam a, a tihniamna hi 0.25% a ni. 

Repo rate hi RBI-in commercial bank-te hnena short-term fund a pekna a interest rate a ni a, a tihhniam tak vangin repo rate hi 6.25% a ni ta a ni. Kum 2017 August thla khan repo rate hi tihhniam a lo ni tawh bawk. Repo rate tihhniam a nih tak avang hian home leh auto loan punna pawh a hniam phah ngei rin a ni. 

RBI hian collateral-free agricultural loan cheng nuai khat china bithliah chu cheng nuai 1.6-ah a tisang bawk a, hei hi loneitute puihna tur thlira siam ṭhat a ni. Bank chuan ramchhunga thil man sang zel leh agriculture lam kaihhnawih thiltea senso a san zel vangin collateral-free agricultural loan hi cheng nuai 1.6 china tihsan a rel ta niin a sawi. Hemi chungchanga hriattirna hi tihchhuah thuai a ni ang.