Tree City-ah Hyderabad thlang

Telangana khawpui city of gardens tia hriat lar ni bawk, Hyderabad chu Ningnani khan Tree City atana thlan a ni.

India khawpui zingah Hyderabad hi Arbor Day Foundation’s 2020 Tree City of the World award dawng hmasa ber leh awmchhun a ni. 2020 'Tree City of the World' thlangtute hi Arbor Day Foundation leh Food and Agriculture Organization of the United Nations (FAO) an ni. 

Tree City atan hian Hyderabad thlan a nih chhan hi he khawpuia ram ngaw humhalh kawnga hmasawnna leh ram ngaw tichereu mai loa venhimna kawnga hmalakna ṭha a awm vang a ni a, hei vang hian 2020 'Tree Cities of the World' 51 thlan zingah Hyderabad hi a tel ve phah ta a ni.

Khawvel ram hrang hranga khawpui Tree City atana thlan 51 zingah hian United States, United Kingdom, Australia, Canada, New Zealand, South America, Europe leh Africa rama khawpuite pawh an tel bawk. Arbor Day Foundation president Dan Lambe chuan thingphun uar a pawimawh thu sawiin, hriselna atan leh kan khawvel sik leh sa danglam chak lutuk tihzia awm a nih theih nana ram ngaw humhalh hi a ṭul hle tih a sawi.