BJP youth wing-in AMU campus-ah temple sak phut

BJP youth wing chuan Uttar Pradesh-a Aligarh Muslim University (AMU) campus-ah Hindu zirlaite tan temple sak an phut. 

BJP Aligarh youth wing chuan AMU Vice-Chancellor hnenah lehkha thehlutin, university campus-a temple sak ngei an phut tih an sawi a, an thil phut ngaihtuah tur hian university thuneitute chu ni 15 hun an pe bawk. Hun pek chhunga an thil phut hi an remtihsak lo a nih chuan AMU campus-a temple sak hna chu an kutah an la mai dawn niin BJP Youth Wing district president Mukesh Singh Lodhi chuan sawi. 

Vice-Chancellor hnena lehkha an thehluhah hian BJP youth wing chuan university-a Hindu zirlai awmte chuan campus chhunga temple awm loh vang hian puja pawh an nei thei lo niin a sawi. Chief Minister Yogi Adityanath chuan a hma niin AMU chu admission tihnaah SC/ST zirlaite tana quota an pek loh avangin alo sawisel tawh bawk a ni.