Priyanka-in UP-ah roadshow hmasa ber nei

Congress hruaitu Priyanka Gandhi Vadra chuan nimin khan Uttar Pradesh tlawhin, party general secretary atana ruat a nih hnua a roadshow hmasa ber chu Lucknow-ah a nei. 

Kum 47 mi Priyanka Gandhi hi a nuṭa, Congress president Rahul Gandhi leh UP-a secretary incharge dang, Jyotiraditya Scindia-ten an ṭawiawm a, party worker tam tham takin an lo hmuak a ni. Roadshow hi km 30-a thuiah neih a ni a, party hruaitu pathumte hian kawng lakah Mahatma Gandhi leh BR Ambedkar-te limah pangpar an dah nghal bawk. 

Roadshow a neih hma lawk hian Priyanka Gandhi hian Twitter account a siam a, follow tu a ngah chak hle. Lucknow-ah hian ni li a cham dawn a, Lok Sabha inthlanpui neih tura atana inbuatsaihna kalpuiin party worker hrang hrangte a hmu dawn a ni. Kum 2014 Lok Sabha inthlanah UP-ah hian Congress party a che chhe hle a, mahse East UP in-charge atana Priyanka dah hian party tan nghawng ṭha a neih rin a ni.