CBI-in Kolkata police thu zawt chhunzawm

Central Bureau of Investigation (CBI) chuan Kolkata Police Commissioner Rajeev Kumar chu a ni lina atan nimin khan Shillong-ah thu zawhfiah turin a ko leh. 

CBI hian Rajeev Kumar hi investor sum tam tham tak tihchingpen chungchang, Saradha chit fund scam case chungchangah thu a zawtfiah a ni. Kumar-a kaihhruai Special Investigation Team (SIT) chuan he chit fund case hi a chhui a, mahse document pawimawhte tihchhiat leh thupboah CBI chuan a puh a ni. Sum tihchingpennaah hian West Bengal-a rorellai, Trinamool Congress official eng emaw zat inhnamhnawiha puh an ni a, CBI in thu zawhfiah tura a koh zingah pawh TMC MP hlui Kunal Ghosh pawh a tel a, mahse nimin chuan koh tel a ni tawh lo. Kunal Ghosh hi kum 2013 khan man a ni tawh a, kum 2016 khan bail-a chhuahtir a ni. 

Pathianni leh Thawhṭanni-a thu an zawhfiahnaah Kumar chuan SIT in Saradha chit fund scam a chhui hna tam zawk chu police station level-a kalpui a ni tih sawiin, amah pawh a inrawlh nasa lo tih a sawi.  An chhuina tam zawk chu SIT in hna an thawh ṭana Bidhannagar City Police-a detective department (DD)-a deputy commissioner nilai, Arnab Ghosh-a enpuina hnuaiah neih a nih tih a sawi bawk.