SC-in CBI additional director Rao hrem

Supreme Court chuan Central Bureau of Investigation (CBI) additonal director Nageswara Rao leh a legal advisor-te chu joint director CBI Arun Kumar Sharmna transfer chungchangah court thupek zah lohah puhin pawisa a chawitir.

Nageswara Rao hian interim CBI director a nih laiin court-in Muzaffarpur shelter home case chhuitu, Arun Kumar Sharma chu a thubuai chhui mek aṭanga lachhuak lo leh sawnchhuak lo tura a ti chungin a sawn lui a ni. Hei vang hian nimin khan Chief Justice of India Ranjan Gogoi kaihhruia bench chuan court zah lohah puhin Rao leh a legal advisor-te chu cheng nuai khat ve ve chawi turin a ti a ni. 

SC chuan Rao-a ngaihdam dilna pawh a hnawlsak a, court-in Sharma chungchanga thupek pahnih a tichhuak chungin Rao hian hmanhmawh takin, cour thupek zah loin Sharma hi a mawhphurhna a hlihsak bakah a transfer zui a ni, a ti.