BJP in "Mera parivar, Bhajapa parivar" campaign ṭan

BJP president Amit Shah chuan kumin Lok Sabha inthlanpui neih tura atan an party-in "Mera parivar, Bhajapa parivar" campaign a neih tur chu nimin khan a hawng a, Gujarat-a a chenna inah party flag a zar. 

"Mera parivar, Bhajapa parivar" campaign hmang hian BJP chuan ramchhunga an party worker-te chenna in vaibelchhe nga chuangah an party flag hi zar an tum a ni. He beihpui thlakna hi March 2 thleng kalpui an tum. 

Campaign khuh hawngtu, Amit Shah chuan BJP flag chu hmasawnna, rinna leh ram hmangaihna lantirtu a ni tih sawiin, he flag hian Prime Minister Narendra Modi-a rorelna hnuaia thuneitute tlawn lungawi ngaihna, hnam inthliarna leh chhungkaw mal rorelna chu titawpin a awm a ni, a ti.