Puducherry CM-in Kiran Bedi in kawtah nawrh huaihawt

Puducherry Chief Minister V Narayanasamy chuan Nilaini khan  Lt Governor Kiran Bedi chenna in kawtah nawrh a huaihawt a, nimin khan a nawrh hi a chhunzawm. CM hi a minister leh MLA-ten an ṭawiawm bawk. 

CM hian a kaihhruai sorkarin welfare scheme hrang hrang a siamte chu kalpui theih loh turin Lt Governor hian a dansak tih a sawi a, hei vang hian lungawi lohna lantirin a in kawtah nawrh a huaiawt a ni.  CM chuan Kiran Bedi chu sorkar inrelbawlna kawng engkima lo inrawlh veah a puh bawk. 

Narayanasamy leh amah ṭawimawmtute hi Nilaini zan khan Lt Governor chenna, Raj Nivas bula kawngah an riak a, nimin khan nawrh hi an chhunzawm leh nghal a ni. Sorkarin welfare scheme a siamte chu kalpui a nih theihna tura phalna pe turin Lt Governor hi an phut a, heng zingah a thlawna buhfai semna tur scheme an siam pawh a tel. 

Hetihlai hian Kiran Bedi chuan a chenna kawtah CM in nawrh a huaihawt chu sawiselin, a CM hnenah hian February 21-a hmuin an thil phut chungchang pawh a sawipu tur thu a lo hrilh tawh niin a sawi.