SRCC event-a speaker list aṭangin Alok Verma paih

Sri Ram College of Commerce (SRCC) Students' Union Business Conclave 2019, neih tura thusawi tur zing aṭangin Central Bureau of Investigatin (CBI) director hlui Alok Verma chu paih a ni.

 

Supreme Court-in CBI director atana a dah let hnu, January 9 khan Verma hi Conclave-a thu sawi tura sawmna hi thawn a ni. Mahse CBI director atana dah leh a nih tuk lawkah Prime Minister Narendra Modi-a kaihhruai selection committee chuan a transfer leh nghal a ni. Mahse Verma hian a hna thar hi zawm duh loin a bang a ni.

SRCC event hi platform lian leh pawimawh tak anga ngaih a ni a, politician leh mi langsar tak takten thu an sawi ṭhin. PM Modi pawh hian kum 2013 khan he event-ah hian thu a sawi lo tawh a ni. Speaker list aṭanga paih a ni hi Verma hi a rilru a na hle niin a thawhpui hnai tak pakhat chuan a sawi. Hetihlai hian SRCC Principal Simrit Kaur chuan Verma sawm a ni leh a hnu lama thil thleng chungchangte hi a hriat ve loh thu a sawi thung.