Delhi leh Telangana-ah Covid-19 vei pahnih awm
Tun laia khawvel ram hrang hranga hri leng mek, Covid-19 vei chu nimin khan Delhi leh Telangana-ah pakhat ve ve hmuhchhuah an nih thu sorkar chuan a sawi. Heng mite nen hian ram chhungah he hri vei finfiah tawh hi mi panga an tling tawh a ni.
Sorkar chuan nimina hri vei finfiahte hi an dinhmun a ṭha a, uluk taka enkawl zui nghal an nih thu a sawi. Delhi-a Covid-19 vei an hmuh hi Italy-a zin hnai vai niin, Telangana ami hi Dubai-ah a zin tawh bawk niin union health ministry chuan a tarlang.
Kerala-a zirlai pathum, Covid-19 vei finfiahte chu enkawl an nih hnuah damdawi-in aṭangin chhuah tir an ni tawh a, test neih pui leh an nih hnuah pawh he hri hi an kai tawh lo tih finfiah a ni.