Sorkar laipuiin Mamata thil phut hnawlsak

Sorkar laipui chuan West Bengal chief minister Mamata Banerjee-i'n West Bengal hming Bangla tia thlak a phutna chu a hnawlsak. 

Minister of State (Home) Nityanand Rai chuan Rajya Sabha-ah West Bengal sorkarin an state hming 'Bangla' tia thlak a rawtna sorkar laipuiin a pawmsak tawh nia sawi chu thu dik lo a nih thu a sawi. 

Nikum July thla khan West Bengal assem­bly chuan 'Bangla' tia an state hming thlakna tur resolution siam chu a lo pass tawh a ni. Hemi hnu hian Union Home Ministry pawmpui turin he resolution hi thawn nghal a ni.