Gujarat Congress-in An MLA 65-te Mount Abu-ah dah

Gujarat Congress chuan an MLA 65-te chu Rajasthan-a Mount Abu-ah an dah tih sawiin, hetah hian darkar 24 chhung an awm dawn tih an sawi.

Zirtawpni hian Guja­rat-a Rajya Sabha seat pahnihah by-election neih a ni dawn a, hetah hian cross-voting a awm lohna turin an MLA 65-te hi Mount Abu-ah hian an dah hmasa  tih Gujarat Congress chuan an sawi. Hei hi BJP-in an MLA-te an lo hmin lohna tura an hmalakna a nih thu an sawi bawk.

Gujarat Pradesh Cong­ress Committee thupuangtu chuan nimin tlai dar 4-ah khan Mount Abu-ah hian an MLA-te chu dah an nih thu a sawi a, MLA 71 zinga 65-te chu he hmunah hian hruai an ni, a ti. A la bang paruk zinga mi, MLA Alpesh Thakor leh Dhavalsinh Zala-te chu an party kalh zawnga an chet avangin Congress tan an vote an thlak rin a ni lo thung. Thawhlehni khan Gujarat High Court chuan Congress-in an party a chhuahsan avanga  Alpesh Thakor disqualify tura an ngenna chu a hnawl a ni.

Congress thupuang­tu chuan MLA dang pathumte chu an constituency Ahmedabad-a Lord Jagan­nath Yatra a awm dawn avangin an kal ve thei dawn lo tih a sawi.