Kum 2 chhungin eiruknaa inhnamhnawih officer 600 hrem

Uttar Pradesh-a Yogi Adityanath kaihhruai sorkar chuan a policy pakhat "zero tolerance" a kalpuinaah kum hnih chhungin eiruknaa in­hnamhnawih official 600-te a hrem tawh. Heng zinga 200 te chu pension luih tir an ni. 

Senior UP minister Srikant Sharma chuan eirute ngaih­hnathiamna awm lohna tur policy an kalpui mekah an state chu hetianga action la ngam hmasa ber an nih thu a sawi. Midangte tana entawn tur an siam tih a sawi a ni. Official eng emaw zat chu vau an ni tawh bawk a, an promotion pawh dansak an ni, a ti. 

UP CM Adityanath chuan eirukna umbo tuma hma an laknaah eiruknaa inhnamhnawih official-te chu voluntary retire­ment-a chhuah luih tir an ni dawn tih a lo sawi tawh a ni. "Officer eirute tan hmun a awm lo a, officer eirute chu an eiruk dan case a zirin tih luihnaa chawlhtir an ni ang," a ti bawk. Chief Minister hian eiruknaa inhnamhnawihte list siam turin offical-te a chah bawk.