PDP president atan Mehbooba Mufti thlang nawn

Jammu and Kashmir chief minister hlui, Mehbooba Mufti chu nimin khan Peoples Democratic Party (PDP) president, kum thum term chelh turin thlan nawn leh a ni. Party senior leader GNL Hanjura chuan Mufti hi PDP president atana rawt lehin, lungrual takin an thlang leh a ni. Party election board chairman atan senior leader AQR Veeri thlan a ni bawk. 

Mehbooba Mufti hi kum 2016 January thlaa a pa, Mufti Muhammad Sayeed a thih khan PDP president hna hi a chelh zui a, tun thlengin hruaitu hna hi a la chelh chhunzawm a ni.