Fimkhur thil thuah Amarnath yatra titawp lailawk
Jammu-a Amarnath yatra chu nimin aṭang khan fimkhur thil thuah tihtawp lailawk a ni.
Kashmir valley-a inlak hran duhtu pawlin nawrh an huaihawt avangin Amarnath yatra hi suspend a ni a, vawiin lamah hi chuan chhunzawm leh tawh rin a ni thung.
Hizbul Mujahideen commander hlui Burhan Wani thihcham vawi thumna a nih avangin Kashmir-a inlak hran duhtu pawlte hian nawrh an huaihawt a, hemi avang hian nimin khan yatra hi eng emaw buaina a thlen lohna turin tihtawp a ni.
Kumtina neih ṭhin Amarnath yatra hi south Kashmir Himalaya-a metre 3,880 zeta sanga awm high holy cave shrine bulah neih ṭhin a ni. Official-te chuan dan leh thupek kenkawhna lamah buaina a chhuah lohna turin holy cave shrine-ah hian nimin khan tumah kal phal a ni lo tih an sawi.
Tunah hian yatra hmang tur hian mi 36,309 zet an tangkhang mek nia tarlan a ni. Pathianni zan thleng khan ni 46 awh tur yatra-a kal hi mi 95,923 an awm tawh a ni. Yatra hi August 15-ah a tawp ang.