Yogi sorkarin khawlai bawng chawmte hnenah Rs. 900 pe dawn
Uttar Pradesh-a Yogi Adityanath kaihhruai BJP sorkar chuan Bundelkhand region-a khawlai bawng enkawla chawmtute hnenah thla tin cheng 900 an pe dawn.
UP chief minister Yogi Adityanath office chuan hemi chungchangah hian thuchhuah an siam a ni. Yogi hian officer-te chu an system enchhin tura tiin, sumdawnna atan ni lo khawlai bawngte chu enkawl an niha chawm an nih chuan bawng pakhat enkawl manah cheng 30 zel nikhatah an pe dawn tih a sawi.
Thawhṭanni zana Gau Sewa Aayog-a meeting an neihnaah Chief Minister chuan bawng dahna hmunte chu mahni intumchawpa siam dan ngaihtuah turin a ti bawk a, bawng zun leh ek-te chu ṭangkai zawka hman dan tur ngaihtuah turin a ti bawk a ni.
Commission for cow service chairperson emaw vice-chairperson emawin district an tlawh apiangin, district thuneitute chuan meeting an lo neihpui ziah tur a ni, a ti bawk. He meeting-ah hian district police chief, chief veterinary officer leh deputy chief veterinary officer-te chu an tel ṭhin a ngai dawn tih a sawi. Commission official-te pawh bawng dahna hmun endik turin a hriattir bawk.