Prime Minister Modi-a'n BJP MP hmeichhiate meeting a neihpui

Prime minister Narendra Modi chuan nimin zing khan an party Bharatiya Janata Party (BJP)-in MP hmeichhia an neihte meeting a neihpui a, tukṭuan a eipui nghal.

Meeting hi house pahniha member-ten Prime Minister hmai­chhana an kawm theihna atan leh, Parliament kaihhnawih issue hrang hranga kaihhruai an mamawhnaa kaihhruai an nih theihna atana rua­hman a nih thu tarlan a ni.

Hmeichhe MP-te hi PM hian a chenna inah meeting hi a neihpui a, an party MP section hrang hranga ṭhente meeting a neihpui ṭum ngana a ni tawh. 

BJP MP-te hi group hrang hranga ṭhen an ni a, Modi hian OBC, SC leh ST category MP-te bakah minister lo ni tawhte meeting a neihpui tawh nia sawi a ni bawk. Home minister Amit Shah, BJP president ni bawk leh parliamentary affairs minister Pralhad Joshi-te chu he meeting a union minister tel ve awmchhunte an ni. 16th Lok Sabha-ah pawh khan Prime Minister hian an party Parliament member-te chu meeting a lo neihpui tawh bawk a, sorkar agenda hrang hrang chungchang a sawipui a ni.

17th Lok Sabha-ah hian hmeichhe MP 78 an awm a, hei hi India-in zalenna a sualchhuah aṭanga an tam ber ṭum a ni. Heng zinga 41 hi BJP an ni.