Donald Trump lo hmuak ropui America-in India a ngainain a zah hle : Donald Trump

US president Donald Trump chuan nimin chawhma khan India a rawn thleng ta a, Ahmedabad-a Sardar Vallabhbhai Patel international airport-ah prime minister Narendra Modi leh Gujarat sorkar mi pawimawhte'n an lo hmuak.

Donald Trump hi a nupui Melania Trump, a fanu Ivanka Trump leh a pasal  Jared Kushner, US National Security Advisor Robert O'Brien, Secretary for Commerce Wilbur Ross, Secretary of Energy Dan Brouillette leh mi pawimawh eng emaw zatin an 

ṭawiawm.

Sabarmati GandhiAshram  pan hmasaUS President leh a nupui hian Ahmedabad Airport aṭangin India hnam pa, Mahatma Gandhi chenna hmun Sabarmati Gandhi Ashram an pan hmasa a, hetah hian minute 15 vel hun a hmang a ni. Sabarmati Gandhi Ashram-a Trump-te nupain Gandhi-a spinning wheel an tivir chhin vel thlalak chu media hrang hrangah a darh nasa hle.