Argentina President a rawn zin

Argentina President Mauricio Macri chu Pathianni khan ni thum cham turin a rawn zin a, a nupui First Lady Juliana Awada leh a fanu, Antonia te a rawn hruai a, mi pawimawh eng emaw zatin an rawn zui bawk. 

Information and Broadcasting Minister Rajyavardhan Rathore chuan Argentina President hi airport-ah a lo hmuak a ni. 

Nimin khan Prime Minister Narendra Modi leh Argentina President Macri-te hi New Delhi-ah an inkawm a, Macri hian President Ram Nath Kovind pawh a hmu bawk. President Kovind chuan nizan khan president chenna inah Macri lawmna hi a buatsaih a ni. Vawiin hian Mumbai a tlawh dawn a, sumdawng aiawh hrang hrangte meeting a neihpui ang.